Besserwisser.is

Á föstudagskvöldið voru minningartónleikar í Víðistaðakirkju um vin minn Birgi Grétarsson sem lést eftir hörmuleg vinnuslys 27. október 1987. Birgir lét eftir sig barnshafandi unnustu, Hönnu Björk Guðjónsdóttur. Bæði hún og Björg dóttir þeirra sem varð tvítug á föstudaginn komu fram á tónleikunum sem og hópur valinkunnra tónlistarmanna sem nánast allir eru úr nánustu fjölskyldu Birgis. Víðistaðakirkja var þéttsetin og 400-500 manns komu á tónleikana. Stemmingin var frábær og tónleikarnir voru mjög flottir.

Meðal þeirra sem fram komu var kór Flensborgarskólans en Birgir söng í þeim kór á menntaskólaárum sínum. Bræður Birgis Gummi og Ingi Valur og dóttir hans léku syrpu af lögum, Ingibgjörg Guðjónsdóttir frænka Birgis og sópransöngkona söng eitt lag. Hann Björk Guðjónsdóttir söng þrjú lög og dúett með dóttur sinni Björgu. Djassgeggjararnir Óskar og Ómar Guðjónsynir frændur Birgis léku nokkur lög. Meðal undirleikara voru Antonia Havesi, Andri Þór Ólafsson og Matthías Hemstock.
Allir listamennirnir gáfu vinnu sína og allur ágóði rann til Neistans, styrktarfélags hjartveikra barna, í minningu Sigríðar Grétarsdóttur systur Birgis, sem lést sökum hjartagalla aðeins mánaðargömul árið 1966.

Ég hafði aldrei farið á minningartónleika og vissi ekki hverju ég átti von. Ég hafði þó grun um að vel yrði að verki staðið enda frábært hæfileikafólk á ferðinni. Ég var virkilega snortinn þetta kvöld, það var yndislegt að hitta fjölskyldu Birgis og alla þessa gömlu Flensborgara og fólkið sem maður tengdist í gegnum Birgi. Minningarnar sem áður voru svo sárar eru ekki lengur sárar. Notalegar minningar um góða tíma og góðan dreng hafa vikið fyrir sorginni og það er gott.

Nú er Gleraugnaverslunin Sjónlínan loksins búin að opna dyrnar. Þetta hefur átt sér langann aðdraganda en konan mín Kristín Dóra Sigurjónsdóttir er sjónfræðingur með réttindi til sjónmælinga. Hingað til hefur hún unnið í öðrum gleraugnaverslunum en með opnun Sjónlínunnar tók hún skrefið út í sjálfstæðann atvinnurekstur.

Ég hef nokkrum sinnum áður tekið þátt í að stofna fyrirtæki en það er öðruvísi að stofna fjölskyldufyrirtæki. Við undirbúning fjölskyldufyrirtækis fer hugmyndavinnan fram við eldhúsborðið á kvöldin frekar en við fundarborð á skrifstofutíma. Allt færist inná heimilið bæði ákvarðanataka sem og áhyggjur og eftirvænting. Ég hef verið frekar gagnrýninn á að hjón starfi saman í fyrirtækjarekstri en þessi undirbúningur núna hefur verið spennandi og skemmtilegur. Kannski þarf ég að fara að endurskoða afstöðu mína … Continue reading →