Besserwisser.is

vill ganga til viðræðna við EB til þess að skapa framtíðarsýn í peningamálum og auka traust. Bara þannig tekst okkur að byggja undir stöðugleika og að fá erlenda aðila til þess að fjárfesta á Íslandi og lána okkur fé sem er grundvöllur fyrir uppbyggingu atvinnulífsins í landinu.

vill skera niður lánin um 20% = færa lánin aftur til janúar 2008. Óvenjulegar aðstæður kalla á stjórnmálamenn sem þora að stíga óvenjuleg skref til þess að fækka þeim heimilum og fyrirtækjum sem lenda í vandræðum.

vill leggja áherslu á bætt rekstrarumhverfi fyrirtækjanna og treysta síðan einstaklingunum til þess að byggja aftur upp atvinnulífið. Sterkt atvinnulíf er grundvöllur hagsældar heimilanna. Stjórnmálamennirnir eiga að skapa umgjörðina, fyrirtækin störfin.

vill fækka ráðuneytum og hækka laun þingmanna og ráðamanna. Við fáum ekki besta fólkið okkar í þetta verkefni á meðan laun þingmanna ná ekki launum millistjórnenda í fyrirtækjum. Ekki er óalgengt að t.d. bæjarstjórar hafi tvöföld þingmannalaun.

vill flytja sértæk og sjaldgæf verkefni í heilbrigðiskerfi úr landi með nánu samstarfi við eitt erlent háskólasjúkrahús t.d. í Svíþjóð eða Danmörku.

vill auka ábyrgð einstaklinganna í heilbrigðiskerfinu og fyrirbyggja og bæta lýðheilsu frekar en að glíma við afleiðingar.

vill reka fimm ríkisháskóla á Íslandi: á Akureyri, Ísafirði, Egilstöðum ,Höfn í Hornafirði og í Reykjavík. Styðja jafnframt við hverskonar einkaframtak í menntamálum sem uppfyllir skilyrði ríkisins til menntamála. Önnur útgjöld til byggðamála verða skorin niður við trog.

er á móti eignasköttum.

vill jafna launa og fjármagnstekjuskatt.

vil lækka virðisaukaskatt og fella niður allar undanþágur.

vill draga úr jaðarskattaáhfum sem letja fólk til afreka.

vill kvótann aftur til þjóðarinnar á næstu árum (afskriftaleið og uppboðsleið).

vill stórauka framlög til landkynningar og kynningarmála erlendis.

vill auka framlög hins opinbera til uppbyggingar í ferðaþjónustu. Útgjöld ríkisins til sjávarútvegsins eru í dag tíföld á við framlög til ferðaþjónustu. (rekstur hafró, björgunarmál, siglingamál, hafnarmál, rannsóknarstofnanir, sjómannafsláttur o.s.f.v.).

vill flytja in heilbrigðisverkefni sem henta sérstaklega íslenskum aðstæðum.

vill nýta auðlindir þjóðarinnar með sjálfbærum og ábyrgum hætti.

vill koma á umhverfissköttum frekar en auknum tekjusköttum á fyrirtæki. Sá sem mengar mest skal skila mestu til samfélagsins.
vill að þjóðin eigi auðlindirnar en leigji einkaaðilum úrvinnsluna t.d. í orkumálum. Þar sem einkaaðilar vilja ekki fjárfesta á ríkið ekki að fara með almannafé nema ríkir almannahagsmunir krefjist þess.

vill staðfesta Árósarsamkomulagið.

vill axla ábyrgð með öðrum þjóðum í umhverfismálum án séríslenskra útblástursákvæða í framhaldsviðræðum um Kyoto.

vill styðja við menningarstarfsemi og sér í henni grundvöll tilveru okkar og hamingju í þessu landi.

“Foreign tourists get exclusivity and convenience as well as great value for money when they stay at summer cottages in Iceland,” says Petur Oskarsson, the co-owner of Viator summer cottage rental agency. Oskarsson says that staying in summer cottages is the ideal accommodation alternative for families or small groups visiting Iceland because it is less expensive – yet exclusive and more suitable than staying at hotels and guesthouses.
Continue reading →

“Verkefnum í vegaframkvæmdum hefur áður verið frestað vegna þenslu og nú getur verið að þeim verði frestað vegna kreppu segir Anna Guðrún Edvardsdóttir stjórnarformaður Fjórðungssambands Vestfirðinga” (fréttastofa RUV sagði frá).

Fórnarlömb ójafnvægis í efnahagslífinu liggja víða.

Í byrjun þessa árs dásamaði ég í grein á þessari heimasíðu minni endalok þenslunnar og boðaði betri tíð með blóm í haga og eitthvað atvinnuleysi. Ég sem starfa aðalega í útflutningsgreinum sá fyrir mér að nú væri þrautarganga útflutningsveganna á enda, loksins fengjum við fleiri krónur í kassann og að þar með væri andnauð og flótta útflutinings- og sprotafyrirtækja á Íslandi lokið. Ósk mín um aukið atvinnuleysi olli einhverju fjaðrafoki og m.a. uppskar ég fyrir það mikla gagnrýni eins bæjarfulltrúa Samfylkingarinnar á fundi bæjarstjórnar lok mars eða byrjun apríl.

Continue reading →

Þessa dagana þegar þjóðinni skortir gjaldeyri til þess að leysa út vörur í útlöndum hefur umræðan um raunverulegar gjaldeyristekjur af innlendu atvinnuvegunum fengið aukið vægi. Andri Snær Magnason bendir t.d. á það í góðri grein í Fréttablaðinu í dag að nettó gjaldeyristekjur þjóðarinnar af álverinu við Reyðarfjörð og Kárahnjúkavirkjun samanlagt eru fimm milljarðar á ári eða u.þ.b. 7% af heildarútfluningstekjum álversins. Það eina sem verður í raun eftir í landinu eru laun starfsmanna, innlend aðföng, skattar og gjöld.

Í þessu samhengi er gaman að glugga í tölur Hagstofunnar og Seðlabanka Íslands um ferðaþjónustuna. Fyrir nokkrum vikum voru kynntir í fyrsta skipti staðlaðir þjóðhagsreikningar þar sem tekið er tillit til þáttöku ferðaþjónustunnar þar sem hún kemur við á hinum ýmsu sviðum efnahagslífsins. Heildartekjur af íslenskri ferðaþjónustu árið 2006 eru 135 milljarðar á ári eða 11,5% af landsframleiðslu. Heildaraðföng ferðaþjónustunnar (innlend og erlend) árið 2006 eru alls 77 milljarðar eða 57% af heildarkaupum á ferðaþjónustu. Rúmlega helmingur eða 70 milljarðar eru gjaldeyristekjur af erlendum ferðamönnum. Hluti af þessum tekjum eða 37% eru fargjaldatekjur en 63% eða 44 milljarðar eru kaup á innlendri ferðaþjónustu. Því miður vantar nákvæmar tölur en gera má ráð fyrir að stór hluti þessara 44 milljarða skili sér inn í þjóðarbúið og þá megi nota til þess að greiða fyrir olíu, hveiti, pappír og aðrar nauðsynjavörur í erlendri mynt. Rökin fyrir þessari fullyrðingu eru þau að hlutfall aðfanga í fargjaldatekjum er mjög hátt (olía, leiga og kaupleiga á faratækjum, varahlutir, rekstrarvörur) en mun lægri í hótel og veitingarekstri þar sem laun og innlend aðföng eru stórir kostnaðarliðir.

Við íslendingar eigum að nýta náttúruauðlindir okkar. Ég er sannfærður um að orkuauðlindir okkar geti fært okkur meiri hagsæld en þær gera í dag. Skynsamleg nýting er lykilorðið. Er það skynsamlegt að 80% af orkuframleiðslu okkar fari í framleiðslu á einum málmi? Er það skynsamlegt að 80% af orkuframleiðslu okkar fari í eigingjarna stóriðju (orkufrekjur – í Hafnafirði hafa tvö fyrirtæki orðið til í kringum starfsemi álversins í Straumsvík á rúmlega 40 árum). Er skynsamlegt að virkja fyrst á viðkvæmum svæðum eins og á Reykjanesi og Þeystareykjum og ljúka svo við rammaáætlun um náttúruvernd og nýtingu? Það er ljóst að víða felst besta nýtingin í verndun náttúrunnar.